Tuesday, November 29, 2016

齊齊過白色聖誕~ 迪士尼雪亮聖誕正式啟動

雖然聖誕無計劃帶 DORIAN 出國玩,
不過唔緊要,早前就帶咗佢 去香港迪士尼樂園,
仲欣賞到好靚嘅 「聖誕飄雪時刻」, 係香港都感受到白色聖誕嘅氣氛真係好特別呀

當日我地全家都玩得好開心,個晚 Dorian 發夢仲笑到騎騎聲添呀XD





其實自從DORIAN夠高玩 SPACE MOUNTAIN 之後
每次一入場都要玩咗先!

因為已經改咗做 Star Wars Theme
所以要改口叫佢做 Hyperspace Mountain 啦!

連 Star Wars Characters 都出 Tsum Tsum
CUTE 到呢。。。!!

仲有 TOMICA, 係出面好少見到咁齊款呀!




行過見到好多絶地小武士係度打壞人呀
DORIAN 曾經都係其中一份子呢, 前文:





身為IRONMAN粉絲又點可以唔入新開嘅 EXPO SHOP朝聖呢~





有個小朋友雙眼發哂光呀, 哈哈哈~~



所有精品出面街都好少見, 可以買嚟當手信,
 送比朋友一定好開心啫!

By the way, 「鐵甲奇俠飛行之旅」將於2017年1月11日登陸香港迪士尼樂園的明日世界
粉絲們要密切留意啦!




再去玩巴斯光年 Astor Blaster

「小小世界」對小朋友嚟講真係百坐不厭
Dorian 仲會跟住唱 "It's a small world after all..."添




去到美國小鎮大街 My Journeys with Duffy
可以同換咗聖誕服嘅 Duffy、Gelatoni 影靚相












精品又係多都睇唔晒~~!!









小食部有聖誕米奇爆谷筒, CUTE爆呀!




行到差唔多時間, 我地係聖誕樹前等最期待嘅飄雪時刻
屆時米奇、米妮、唐老鴨、鋼牙奇奇和大鼻帝帝聯同一眾小鎮大街居民都會紛紛出場


雪飄落嚟嘅一刻大家都好開心~小朋友尤其興奮
我覺得同愛人一齊睇飄雪一定非常浪漫啫~~

「聖誕歌詠團」亦會係現場演繹新版本的聖誕樂曲《I’m Dreaming of a White Christmas》,
 令大家係香港仔都感受到白色聖誕氣氛!








Dorian 好好奇, 不斷好興奮咁捉佢地~


 
聖誕樹都亮埋燈, 真係好靚呀!
 
我想每年都嚟同一個位置同Dorian影相
留住佢成長中珍貴嘅每一刻





好快就到「迪士尼光影匯」夜間巡遊
Dorian 又係超興奮, 見到Lightning Mcqueen仲尖叫添呀XD

我都拍咗VIDEO, 大家可以睇下~
 
 




聖誕高飛將坐鎮美國小鎮大街的聖誕郵政局,可以同佢近距離會面同影相,





睇下DORIAN個樣幾冧CHI CHI~





影完合照, 工作人員會派發「心願明信片」,
只要蓋上特別版聖誕高飛郵戳紀念印
就可以放入「聖誕願望郵筒」傳遞至世界各地嘅身邊摯愛親朋啦~



大家都玩得好盡興
係車上 Dorian 已經累到攬實聖誕米妮瞌眼瞓



 
 
其實爸爸仲買咗個書包仔比佢做聖誕禮
睇下幾滿足嘅樣XD
 
聖誕節去迪士尼真係特別開心㗎~



 
 
香港迪士尼樂園呈獻限時購物優惠比「奇妙處處通」會員,
呢家入樂園除咗體驗一系列聖誕活動之餘,
仲可以買定聖誕禮物比摰愛啦!
由即日至12月9日期間到樂園、酒店及機場商店購物都有6折優惠...
如果係白金卡及金卡會員於2016年11月25至27日期間
購物滿淨價港幣$1,200,更可獲贈精美迪士尼小熊Duffy或ShellieMay服飾一套 (價值港幣$218),手快有手慢無!

 
大家都快D入樂園揀聖誕禮物啦~





contact me at chinxchin@yahoo.com

Dorian B 分享小站
 





Wednesday, November 23, 2016

跟動物一齊上興趣班。海洋公園冬日學堂 2016

DORIAN 真係好鐘意去海洋公園睇魚同動物㗎!!

早前就同佢去咗 海洋公園冬日學堂 (濃縮版)
成個課程都可以近距離咁睇動物同埋認識佢地嘅屬性, 從而灌輸保育訊息
簡直就係寓學習於娛樂~~今次就睇 DORIAN 介紹啦!







小朋友會首先去到知深學堂, 同導師&其他朋友仔一齊WARM UP下先




慢熱嘅 DORIAN 初頭會有D緊張
不過導師都非常有耐性同大家打招呼同熱身




大家都好快進入輕鬆狀態出發啦~

導師姐姐會用「冬甩火車」帶領小朋友
咁就可以以遊戲方式去令小朋友唔好走嚟走去啦
同時亦會加快集合同進度, 真係一舉多得呀!








第一站:探訪大熊貓

平時只係比工作人員進出
呢家就開放埋比上堂嘅小朋友

以前睇大熊貓, 我都會同DORIAN講佢地只係食竹葉
唔講唔知, 原來仲有唔同味道同埋營養嘅小零食比佢地㗎
仲有蘋果串燒添!!
小朋友唔只睇, 仲有得摸
實行真正體驗




最後仲有得同樂樂超近距離合照添!
不過DORIAN有D驚, 所以無乜笑容 ~_~"
明明大熊貓非常友善, 其實媽媽都好想同佢合照呀XD






第二站: 跟鸚鵡學唱歌



又係可以超近距離望到好靚嘅紅黃金剛鸚鵡
訓練員仲可以命令鸚鵡到處飛行
偶然聽到鸚鵡發出 "丫丫聲", 大家仲會一齊學叫添!








今次同鸚鵡合照 DORIAN 變得鬼馬好多啦~!!






去完兩個景點, 大家又可以返課室唱下歌仔,
學下體驗企鵝行動, 仲試下學企鵝咁小步行咁踢波添
講到玩又點會難到D小朋友呀, 個個都成功踢入龍門!

接著有個故事時間作為小休息
導師姐姐講故事講得好生動, 每位小朋友都聽得好留心呢!




之後我地坐海洋列車到另一邊~~


去到 冰極餐廳 享用午餐






所有人 (包括我XD) 一入去都掛住睇企鵝, 所有小朋友仲一齊追住同企鵝玩添~~




DORIAN ORDER 咗個兒童餐, 唔單止好睇, 仲好好味呀!




有企鵝一齊食LUNCH係無咁專心, DORIAN 成日都偷望佢地。。。
不過其實媽媽都掛住望佢地, 因為真係又可愛又吸引啦 XD











食飽飽, 我地返回班房玩遊戲, 令大家精神D
之後去準備探訪海象
不過首先又係要了解一下佢地,導師仲同大家做下海象體操,大家都玩得好開心呀!!



入到「北極之旅」,小朋友都好期待咁等海象


我以為會好似平時咁遠遠咁觀看
但原來係會有訓練員帶埋海象過嚟等大家都可以近距離睇清楚
認識佢地身體特徵

海象仲會做出揮手,飛吻 等動作同大家互動添呀!!













同場加映:海獅,海豹,企鵝仔

導師們每次都會拉起一個 area 專比學生睇動物
咁就唔驚小朋友比人迫親
又或者生得細粒都唔怕睇唔到啦!



活動的最後一節,小朋友會返回教室,重溫今天課堂和見過的動物。

最後一課,又係故事時間,
導師姐姐會以故事方式嚟同大家重溫動物特性

亦有小遊戲鍛鍊大家腦袋,我鐘意導師姐姐同小朋友溝通嘅方法
答案無啱或錯,但就希望大家可以動動腦筋,一齊解答問題~~





畢業禮仲有 [伴我同行(香港)基金會] 專家,
向家長介紹親子閱讀的技巧及益處

最後帶埋《企鵝可以騎腳踏車嗎?》 繪本返屋企
故事中 嘅小企鵝想踢足球、打保齡球,
但係小企鵝手短、腳短,真的可以做到嗎?
想知答案就要家長同小朋友一齊讀落去find out 啦!


再次多謝海洋公園邀請,DORIAN 玩得好開心呀!!
而且隔咗差唔多兩星期都記得所有動物
仲成日提住企鵝係住係南極,大熊貓除咗食竹葉,仲會食蘋果添

小朋友邊玩邊學習,加埋親身體驗,真係會特別入腦㗎!!





提提大家,正式課程將會係小朋友自己上3日堂,
而家長就可以出席係第三堂嘅畢業典禮上

海洋公園冬日學堂課程設有紀念相冊套裝服務。專業攝影師會隨堂為小朋友拍攝個人和團體相片,並將開心片段製作成紀念相冊,讓小朋友留下美好回憶。兩款紀念相冊套裝售價分別為 $600 (套裝 A) 及 $800 (套裝B),家長可自由選購,並於畢業禮後領取。


海洋公園冬日學堂 2016

對象﹕小動物上興趣班(A組)﹕4至5歲;小動物上學去(B組):6至8歲
日期﹕2016年12月21日起至2017年1月2日
(A組共12班,B組共4班,每班為期3天,詳情可於網站查詢)
費用﹕A組 $1788,B組$2840(智紛全年入場證會員可享88折)
名額﹕每班20人
參加辦法﹕智紛全年入場證會員11月15日下午4:00起、非會員11月17日下午4:00起於辦公時間上午8:30至下午5:30致電3923 2323報名(選擇語言後,按「4」字聯絡海洋公園教育部)
截止報名日期﹕活動日前7日
查詢﹕3923 2323
網址﹕www.oceanpark.com.hk/tc/park-experience/winter-school-2016













 contact me at chinxchin@yahoo.com

Dorian B 分享小站